Saturday, May 8, 2010

Yaad aati hai chauka baasan Chimta phoonkni jaisi maa

Posted by Devraj Rana at 9:39 PM






Besan ki sondhi roti par Khatti chatni jaisi maa
Yaad aati hai chauka baasan Chimta phoonkni jaisi maa

Baans ki khurri khat ke oopar Har aahat par kaan dhare
Aadhi soi aadhi jaagi Thaki dopahari jaisi maa
labo par uske kabhi baddua nahi hoti
bas ek maan hai jo kabhi khafa nahi hoti

Is tarah mere gunaahon ko wo dho deti hai,
maa bahut gusse mein hoti hai to ro deti hai




Main roya pardes mein bheega maa ka pyaar
Dukh ne dukh se baat ki bin chitthi bin taar
Chota karke dekhiye jiwan ka vistaar
Aankhon bhar aakash hai baahon bhar sansaar






Ek pedh jisne kabhi mujhe dhup lagne na di,
apne aanchal mein chupa ke rakha nazar kisi ki lagne na di

yaad ate hai bachpan ke din jab tu mujhe khilati thi,
har bar rone par tu hi mujhe hasati thi




Besan ki sondhi roti par Khatti chatni jaisi maa
Yaad aati hai chauka baasan Chimta phoonkni jaisi maa

Baans ki khurri khat ke oopar Har aahat par kaan dhare
Aadhi soi aadhi jaagi Thaki dopahari jaisi maa



 

0 comments:

Post a Comment

Subscribe to: Post Comments (Atom)